مراکش نے پاکستانی طلباء کو بڑی خوشخبری سنادی
مراکش نے پاکستانی طلباء کو بڑی خوشخبری سنادی ہے۔
ہائر ایجوکیشن کمیشن نے اپنے جاری کردہ بیان میں بتایا ہے کہ مراکشی ایجنسی آف انٹرنیشنل کوآپریشن نے پاکستانی طلباء کو سرکاری اداروں میں انڈرگریجویٹ، ماسٹرز اور پی ایچ ڈی کی تعلیم حاصل کرنے کے لیے اسکالر شپس کی پیشکش کر رہا ہے۔
اس اسکالرشپ کے لیے اہل درخواست دہندگان کو پاکستانی یا آزاد جموں و کشمیر کا مستقل شہری ہونا چاہیے، دوہری شہریت والے افراد اہل نہیں ہیں۔
ایچ ای سی نے تمام ہدایات کو بغور سے پڑھنے اور بغیر کسی تاخیر کے ایچ ای سی پورٹل پر مکمل آن لائن درخواست جمع کرانے کی اہمیت پر زور دیا ہے۔
جاری کردہ بیان میں بتایا ہے کہ جو امیدوار درخواست دینے میں دلچسپی رکھتے ہیں وہ ایچ ای سی پورٹل پر جا سکتے ہیں۔
یاد رہے کہ پورٹل کے ذریعے آن لائن درخواست جمع کرانے کی آخری تاریخ 10 مئی ہے۔
