پی ٹی آئی کیجانب سے وائٹ پیپر جاری کرنے کا فیصلہ
پی ٹی آئی نے جنرل انتخابات میں مبینہ دھاندلی کے الزامات کے حوالے سے وائٹ پیپر جاری کرنے کا فیصلہ کیا ہے۔
ذرائع کے مطابق پی ٹی آئی نے مبینہ دھاندلی کے حوالے سے شواہد حاصل کر لئے ہیں ، پی ٹی آئی وائٹ پیپر جاری کرنے کے بعد مبینہ دھاندلی کے خلاف عدالت سے بھی رجوع کرے گی۔
ذرائع کے مطابق وائٹ پیپر میں ملک بھر میں مبینہ دھاندلی کے شواہد پیش کیے جائیں گے ، جس میں یہ بھی بتایا جائے گا کہ پٹیشن کن کن حلقوں میں دائر کی گئی ہے اور مبینہ طور پر پری پول رگنگ کے بارے میں بھی بتایا جائے گا۔
قومی اسمبلی کے 73 حلقوں کی پٹیشن الیکشن ٹریبیونل میں دائر کی گئی ہیں جبکہ پی ٹی آئی سوشل میڈیا ٹیم نے مبینہ دھاندلی کے شواہد اکھٹے کرنے میں اہم کردار ادا کیا ہے۔
