روہت شرما پاک بھارت ٹیسٹ سیریز کے خواہشمند
بھارتی کپتان روہت شرما نے پاک بھارت ٹیسٹ سیریز کی خواہش کا اظہار کردیا۔
تفصیلات کے مطابق سابق انگلش کپتان مائیکل وان کے ساتھ ایک پوڈ کاسٹ انٹرویو کے دوران روہت شرما نے پاک بھارت ٹیسٹ سیریز کی خواہش کا اظہار کیا۔
روہت شرما کا انٹرویو میں کہنا تھا کہ پاکستان ایک زبردست ٹیم ہے اور اس کی بولنگ بہت ہی زبردست ہے، میں ذای طور پر پاکستان اور بھارت کے درمیان باضابطہ سیریز کے حق میں ہوں۔
انہوں نے کہا کہ دونوں ٹیموں کے درمیان ٹیسٹ میچز بہت شاندار ہوں گے، خاص طور پر اگر یہ باہر کی کنڈیشن میں ہوں۔
یاد رہے کہ پاکستان اور بھارت کے درمیان آخری بار دو طرفہ ٹیسٹ سیریز 2007 میں کھیلی گئی تھی جبکہ 2012 کے بعد سے دونوں ممالک کے درمیان کسی بھی فارمیٹ کی دوطرفہ سیریز کا انعقاد نہیں ہوسکا۔
