ضمنی الیکشن کے دوران موبائل و انٹرنیٹ سروس بند رکھنے کا فیصلہ – پاک لائیو ٹی وی

اسلام آباد: 14 قومی وصوبائی حلقوں کے ضمنی الیکشن کے دوران موبائل و انٹرنیٹ سروس بند رکھنے کا فیصلہ کیا گیا ہے۔

محکمہ داخلہ پنجاب نے 13 شہروں میں موبائل بند رکھنے کے لئے وفاقی محکمہ داخلہ کو مراسلہ بھجوا دیا ہے۔

مرسلے کے مطابق شیخوپورہ، قصور، ڈی جی خان، کلرکہار، تلہ گنگ، گجرات، ظفر وال، بھکر، علی پور، چٹھہ، چکوال،صادق آباد اور لاہور میں موبائل و انٹرنیٹ سروس معطل رکھنے کی سفارش کی گئی ہے۔

امن و عامہ حالات کے پیش نظر انٹرنیٹ و موبائل سروس بند رکھنے کا مراسلہ بھجوایا گیا۔

واضح رہے کہ عام انتخابات میں بھی موبائل و انٹرنیٹ سروس بند رہی تھی جب کہ مراسلے کی کاپی چیف سیکرٹری پنجاب، آئی جی پنجاب، چیئرمین پی ٹی اے، سی سی پی او لاہور، متعلقہ کمشنرز اور دیگر افسران کو بھی بھیج دی گئی ہے۔