واٹس ایپ نے کاروباری صارفین کو بڑی خوشخبری سُنادی
دنیا کی سب سے بڑی میسجنگ ایپ واٹس ایپ نے کاروباری صارفین کو بڑی خوشخبری سُنادی ہے۔
رپورٹ کے مطابق واٹس ایپ کاروباری صارفین کی آسانی کیلئے ایک ایسے فیچر پر کام کر رہا ہے جو ان کے اہم پیغامات کو محفوظ کرنے کا آپشن فراہم کرے گا۔
جی ہاں، رپورٹ میں بتایا گیا کہ واٹس ایپ میں اس وقت صارفین کے پیغامات کو محفوظ کرنے کیلئے چند آپشنز موجود ہیں جن میں starred message یا pinning جیسے آپشن شامل ہیں لیکن اس نئے فیچر کو کاروباری صارفین کے لیے زیادہ اہم تصور کیا جارہا ہے جس کے ذریعے واٹس ایپ میسیج اب Note کی صورت صارف کی چیٹ میں ہی شامل کیے جا سکیں گے۔
واٹس ایپ کا نیا فیچر واٹس ایپ بزنس کے بیٹا ورژن 2.24.9.17 میں شامل کیا گیا ہے، اس فیچر کو استعمال کرنے کیلئے صارفین مخصوص پیغام کو منتخب کرتے ہوئے “Add to Note” میں شامل کریں گے جس کے بعد وہ پیغام بطور نوٹ صارف کے پاس محفوظ ہو جائے گا، اس کے بعد صارفین جب چاہے پیغامات میں نئے نوٹ شامل کر سکتے ہیں۔
واٹس ایپ کا نیا فیچر فی الحال بزنس اکاؤنٹس کے لیے دستیاب ہوگا، امید ہے کہ اس فیچر کو جلد ہی تمام صارفین کے لیے بھی متعارف کروا دیا جائے گا۔
