پیٹرولیم مصنوعات سے متعلق بڑی خبر آگئی
پیٹرولیم مصنوعات سے متعلق بڑی خبر آگئی ہے۔
پاکستان بیورو برائے شماریات کی جانب سے جاری کردہ اعدادوشمار کے مطابق جولائی سے لیکر مارچ 2023 تک کی مدت میں پیٹرولیم مصنوعات کی درآمدات پر 12.084 ارب ڈالر کا زرمبادلہ خرچ ہوا جو گزشتہ مالی سال کے 13.083 ارب ڈالر کے مقابلہ میں 8 فیصد کم ہے۔
مارچ 2024 میں پیٹرولیم مصنوعات کی درآمدات کا حجم 1.506 ارب ڈالر ریکارڈ کیا گیا جو گزشتہ سال مارچ کے مقابلہ میں 25 فیصد زیادہ ہے۔
گزشتہ سال مارچ میں پیٹرولیم مصنوعات کی درآمدات کا حجم 1.206 ارب ڈالر ریکارڈ کیا گیا تھا۔
فروری کے مقابلے میں مارچ میں پیٹرولیم مصنوعات کی درآمدات میں ماہانہ بنیادوں پر 21 فیصد کا اضافہ ہوا ہے۔
فروری میں پیٹرولیم مصنوعات کی درآمدات پر 1.246 ارب ڈالر کا زرمبادلہ خرچ ہوا تھا۔
