دبئی میں طوفانی بارشوں سے نظام زندگی درہم برہم
دبئی میں طوفانی بارشوں سے نظام زندگی درہم برہم ہوگیا ہے۔
رپورٹ کے مطابق گزشتہ روز فلیگ شپ شاپنگ سینٹرز دبئی مال اور مال آف ایمریٹس دونوں کو بارشوں کے باعث سیلاب کا سامنا کرنا پڑا اور دبئی کے ایک میٹرو اسٹیشن پر بھی پانی ٹخنوں تک جمع ہوگیا۔
متحدہ عرب امارات بھر میں اسکول بند کردیے گئے اور آج بھی مزید طوفان اور ژالہ باری کی پیش گوئی کی گئی ہے۔
مسافروں کی آمد و رفت کے لحاظ سے دنیا کے مصروف ترین بین الاقوامی مرکز دبئی ایئرپورٹ میں گزشتہ روز 25 منٹ تک آپریشن معطل رہا اور 50 سے زائد پروازیں منسوخ کر دی گئیں۔
Heavy rain in Dubai right now.️️#UAE #Dubai #DubaiRain pic.twitter.com/4aBdkp4Gcb
— Amina Abdul Rehman (@amina_abdul993) April 17, 2024
دبئی ایئرپورٹس کے ترجمان نے بتایا کہ شدید طوفان کی وجہ سے آپریشنز کو سہ پہر 25 منٹ کے لیے عارضی طور پر معطل کر دیا گیا تھا لیکن اس کے بعد سے آپریشنز دوبارہ بحال کردیے گئے ہیں۔
خراب موسم کی وجہ سے دبئی سے روانہ ہونے والی اپنی تمام پروازیں عارضی طور پر معطل کر دی ہیں۔
فلائی دبئی کے ترجمان کے مطابق 16 اپریل کو دبئی سے روانگی کے لیے شیڈول فلائی دبئی کی تمام پروازوں کو 17 اپریل 10 بجے (دبئی کے مقامی وقت) تک فوری طور پر منسوخ کر دیا گیا ہے۔
Scene from Dubai International Airport, the world’s busiest air hub for international passengers, after heavy rain battered the UAE. #dubairain #DubaiAirport pic.twitter.com/bxLeXwNBmR
— Rajdeep Bailung Baruah (@BailungRajdeep) April 17, 2024
حالیہ دنوں میں شدید بارشوں کی وجہ سے 18 افراد جاں بحق ہو چکے ہیں۔
