موبائل سم استعمال کرنے والوں کیلئے اہم خبر
موبائل سم استعمال کرنے والوں کیلئے اہم خبر آگئی ہے۔
وفاقی وزیر داخلہ محسن نقوی نے نادرا ہیڈ کوارٹر کا دورہ کیا، جہاں انہیں تمام شعبوں کے بارے بریفنگ دی گئی۔
اس دوران وزیرداخلہ محسن نقوی نے غیرمؤثر اور زائد المیعاد شناختی کارڈز پر جاری موبائل سمز بند کرنے کا حکم دیا۔
انہوں نے ہدایت کی کہ شہریوں کے ڈیٹا کی مکمل حفاظت کو یقینی بنایا جائے اور عوام کی سہولت کیلئے موبائل پلیٹ فارمز پر مزید سہولیات فراہم کی جائیں، ادارے کے اقدامات کی ترویج کیلئے سوشل میڈیا کو موثر طریقے سے استعمال کیا جائے۔
وزیرداخلہ نے کہا کہ عوام کو تیز رفتار سروس فراہم کرنے کے لیے نادرا کے ماڈل آفس بنائے جائیں، عوام کی سہولت کیلئے ڈیتھ سرٹیفیکٹ کی فیس ختم کی جا رہی ہے۔
