تعلیمی ادارے بند رکھنے کا اعلان؛ طلباء کے لئے اہم خبر آگئی
بلوچستان حکومت کی جانب سے طلباء کے لئے اہم خبر آگئی ہے۔
بلوچستان حکومت نے بارشوں سے متاثرہ علاقوں میں رین اور اربن فلڈ ایمرجنسی نافذ کرتے ہوئے متاثرہ اضلاع میں آج اور کل اسکول بند کرنے کا اعلان کردیا ہے۔
ترجمان حکومت بلوچستان کا کہنا ہے کہ بارشوں سے متاثرہ علاقوں میں رین اور اربن فلڈایمرجنسی نافذ کردی ہے اور تمام افسران اور عملے کی چھٹیاں منسوخ کردی گئی ہیں۔
اس حوالے سے وزیراعلیٰ بلوچستان سرفراز بگٹی کی زیر صدارت ڈویژنل کمشنرز اور پی ڈی ایم اے حکام کا اجلاس ہوا، جس میں وزیر اعلیٰ بلوچستان سرفراز بگٹی نے نکاسی نہ ہونے کی عوامی شکایات پر اظہار برہمی کیا۔
وزیر اعلیٰ بلوچستان نے کہا کہ تمام فیلڈ آفیسرز کو جو وسائل اور سپورٹ درکار ہے فراہم کریں گے، عوام کو مشکل اور تکلیف سے نکالنا ہماری ذمہ داری ہے۔
