بٹ کوائن انویسٹمنٹ فراڈ کیس پر راج کندرا کا ردعمل
بالی وود اسٹار شلپا شیٹی کے شوہر اور معروف بزنس مین، راج کندرا نے ایک خفیہ پوسٹ شیئر کی ہے جو کہ منی لانڈرنگ کیس میں ان کی ضبط ہونے والی جائیداد پر ان کا ردعمل تصور کیا جارہا ہے۔
میڈیا رپورٹس کے مطابق ڈائریکٹوریٹ آف انفورسمنٹ (ای ڈی) نے منی لانڈرنگ کی روک تھام ایکٹ 2002 کے تحت راج کندرا کی 97.79 کروڑ روپے کی جائیدادیں ضبط کی ہیں۔
اس معاملے پر اپنے ردعمل کا اظہار کرتے ہوئے راج کندرا نے ایک دھاڑتے ہوئے شیر کی تصویر شیئر کی جس میں لکھا ہے، “جب آپ کو بے عزتی محسوس ہوتی ہے تو پرسکون رہنا سیکھنا ایک مختلف قسم کی ترقی ہے۔”
دوسری جانب شلپا شیٹی نے ابھی تک اس معاملے میں ہونے والی پیش رفت پر کوئی ردعمل ظاہر نہیں کیا ہے۔
ذرائع نے بتایا کہ تازہ ترین پیش رفت کے مطابق، انفورسمنٹ ڈائریکٹوریٹ (ED) شلپا شیٹی کو بٹ کوائن اسکام کیس میں اپنا بیان ریکارڈ کرنے کے لیے طلب کر سکتا ہے۔
خیال رہے کہ انفورسمنٹ ڈائریکٹوریٹ (ای ڈی) نے جوہو میں ان کا رہائشی فلیٹ، پونے میں ایک بنگلہ اور ان کے ایکویٹی شیئرز مبینہ طور پر INR60 بلین بٹ کوائن پونزی اسکیم سے متعلق ایک کیس میں بالی ووڈ اداکارہ شلپا شیٹی اور ان کے شوہر راج کندرا کی INR970 ملین مالیت کی جائیداد ضبط کر لی ہے۔
