میٹرک کے امتحانات سے متعلق طلباء کے لئے بڑی خبر آگئی
میٹرک کے امتحانات سے متعلق طلباء کے لئے بڑی خبر آگئی ہے۔
صوبائی دارالحکومت پشاور میں میٹرک امتحانات کا آغاز کل سے ہورہا ہے تاہم چترال میں 18 سے 20 اپریل تک ہونے والے پرچے منسوخ کر دیے گئے ہیں۔
اس حوالے سے چیئرمین پشاور تعلیمی بورڈ کی جانب سے اعلامیہ جاری کیا گیا جس کے مطابق بارشوں کے باعث اپر لوئر چترال میں پرچے ملتوی کیے گئے۔
جاری کردہ اعلامیے کے مطابق ملتوی کیے گئے پرچوں کا نیا شیڈول بعد میں جاری کیا جائے گا۔
دوسری جانب صوبائی وزیر فیصل ترکئی کا کہنا ہے کہ امتحانات کے لیے سیکیورٹی اور دیگر تمام انتظامات مکمل کر لیے گئے ہیں، ہمیں ضلعی انتظامیہ اور پولیس کی جانب سے مکمل تعاون حاصل ہے۔
