آئینی ترامیم کے حوالے سے مولانا فضل الرحمان کی رہائش گاہ دوسرے روز بھی توجہ کا مرکز بنی ہوئی ہے۔
آئینی ترمیم کے حوالے سے جے یو آئی کا مشاورتی اجلاس مولانا فضل الرحمان کی صدارت میں جاری ہے۔
چیئرمین پیپلزپارٹی بلاول بھٹو زرداری کا مولانا فضل الرحمان سے رابطہ کیا ہے اور وہ ملاقات کے لیے ان کی رہائش گاہ پہنچ گئے ہیں۔
پیپلز پارٹی کے نوید قمر اور جمیل سومرو بلاول بھٹو کے ہمراہ ملاقات میں شامل ہیں۔
جےیوآئی وفد میں مولاناعبدالغفورحیدری،عبدالواسع،مولانااسعد محمود شریک ہیں، جبکہ سینیٹر کامران مرتضیٰ، میرعثمان بادینی اور مولانامصباح الدین بھی ملاقات میں شریک ہیں۔
بلاول بھٹو، مولانا کو آئینی ترامیم پر حمایت کے لئے قائل کرنے کی کوشش کریں گے۔
ذرائع کے مطابق حکومتی وفد بھی کچھ دیر میں مولانا فضل الرحمان کی رہائش گاہ پہنچے گا۔
