نیب کیس میں آصف زرداری کیلئے وکیل نے صدارتی استثنیٰ مانگ لیا
نیب کیس میں صدر مملکت آصف علی زرداری کیلئے وکیل نے صدارتی استثنیٰ مانگ لیا۔
احتساب عدالت اسلام آباد میں صدر آصف علی زرداری و دیگر کے خلاف ٹھٹھہ واٹر سپلائی ریفرنس کی سماعت ہوئی۔
احتساب عدالت کے جج ناصر جاوید رانا نے ریمارکس دیے کہ ایک ملزم کی حاضری نہیں ہوئی، اگر وہ نہیں حاضر ہوتا تو وارنٹ گرفتاری جاری کریں گے۔
وکیل نے کہا کہ آصف علی زرداری نے صدارتی استثنیٰ کی درخواست دائر کی ہے۔
نیب نے صدارتی استثنیٰ سے متعلق رپورٹ احتساب عدالت میں پیش کر دی۔
رپورٹ کے مطابق آئین کے آرٹیکل 248 کے تحت صدر کو کیسز سے صدارتی استثنیٰ حاصل ہے، عدالت نے کیس کی سماعت 21 مئی تک ملتوی کردی۔
ملزمان میں سابق سیکریٹری اعجاز احمد خان، علی اکبر، اعجاز میمن، علی اکبر ابڑو، خواجہ عبدالغنی مجید، مناہل مجید، ندیم بھٹو اور دیگر شامل ہیں۔
