ڈونلڈ ٹرمپ نے سوزی وائلزکو وائٹ ہاؤس کا چیف آف سٹاف مقرر کردیا – پاک لائیو ٹی وی

نو منتخب امریکی صدر ڈونلڈٹرمپ نے سوزی وائلزکو وائٹ ہاؤس کا چیف آف سٹاف مقرر کردیا۔

غیر ملکی میڈیا کے مطابق 67 سالہ سوزی وائلز ڈونلڈ ٹرمپ کی انتخابی مہم کی منیجر تھیں، سوزی ویلز امریکی تاریخ میں اس عہدے پر فائز ہونے والی پہلی خاتون ہوں گی۔ سوزی وائلز مشہور فٹبال پلیئر اور اسپورٹس کاسٹر پیٹ سمرال کی بیٹی ہیں۔

سوزی وائلز جنوری میں اپنا عہدہ سنبھال کراپنی ذمہ داری انجام دیں گی۔

ڈونلڈ ٹرمپ نے کہا کہ سوزی وائلز نے امریکی تاریخ کی سب سے بڑی سیاسی فتوحات میں سے ایک حاصل کرنے میں میری مدد کی، وہ میری 2016ء اور 2020ء دونوں کی کامیاب مہموں کا ایک لازمی حصہ تھیں۔ ان کا عالمی سطح پر احترام کیا جاتا ہے۔