معروف بھارتی اداکارہ ادیتی راؤ حیدری نے شادی کرلی
مشہور بھارتی ویب سیریز ‘ہیرا منڈی’ کی اداکارہ ادیتی راؤ حیدری نے شادی کرلی ہے۔
بھارتی میڈیا کے مطابق ادیتی راؤ حیدری اور سدھارتھ سورینارائن نے ‘واناپارتھی’ کے 400 سال پرانے مندر میں شادی کی، شادی کی اس تقریب میں اس جوڑے کے اہلخانہ اور چند قریبی عزیز نے شرکت کی۔
حال ہی میں اداکارہ ادیتی راؤ حیدری اور سدھارتھ سورینارائن نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر اپنی شادی کی چند تصاویر پوسٹ کیں جس کو مداحوں کی جانب سے خوب پسند کیا جارہا ہے۔
شیئر کی گئی تصاویر میں دیکھا جاسکتا ہے کہ ادیتی راؤ حیدری نے اپنی شادی پر ہلکے میک اپ کے ساتھ ہلکے رنگ کی ساڑھی زیب تن کی جبکہ سدھارتھ نے ہاف وائٹ رنگ کا لباس پہنا۔
سدھارتھ اور ادیتی راؤ حیدری نے اپنی مشترکہ پوسٹ میں ایک دوسرے سے مخاطب ہوتے ہوئے کہا کہ تم میرا سورج، میرا چاند اور میرے تمام ستارے ہو۔
شوبز شخصیات اور مداحوں کی جانب سے جوڑے کو شادی کی مبارکباد دی جارہی ہے۔
واضح رہے کہ ادیتی راؤ حیدری اور سدھارتھ نے رواں سال منگنی کی تھی۔
