گاڑی خریدنے کے خواہشمند افراد کے لیے بڑی خبر
گاڑی خریدنے کے خواہشمند افراد کے لیے بڑی خبر آگئی ہے۔
ذرائع کے مطابق سینئر وزیر شرجیل انعام میمن کی زیرصدارت محکمہ ایکسائز ٹیکسیشن کا اجلاس ہوا، جس میں پریمئر نمبر پلیٹس حاصل کرنے والوں کو اسمارٹ کارڈ جاری کرنے کا فیصلہ کیا گیا۔
شرجیل میمن نے کہا کہ اسمارٹ کارڈ سے پریمئم نمبر پلیٹس کی جعلسازی کی حوصلہ شکنی ہوگی جبکہ پریمئم نمبرپلیٹس مالکان کو گاڑی تبدیل کرنے پرنیا اسمارٹ کارڈ جاری کیا جائےگا۔
انہوں نے کہا کہ پریمئم نمبر پلیٹس کی نیلامی کا دوسرا مرحلہ جلد شروع ہوگا، پچاس نمبرز کی نیلامی ہو گی۔
سینئر وزیر نے کہا کہ پریمئم نمبر پلیٹس کی آن لائن نیلامی بھی جلد شروع ہوگی، دوسو نمبرز آن لائن نیلامی ہوگی، نیلامی سے حاصل رقم سیلاب متاثرین کے گھروں کی تعمیر کیلئے دی جائے گی۔
