بابر اعظم کو بڑا جھٹکا لگ گیا
پاکستانی بیٹر بابر اعظم کو بڑا جھٹکا لگ گیا ہے۔
انٹرنیشنل کرکٹ کونسل نے ٹیسٹ پلیئرز کی نئی رینکنگ جاری کر دی ہے جس کے مطابق انگلش بیٹر جو روٹ نیوزی لینڈ کے بیٹر کین ولیمسن کو پیچھے چھوڑتے ہوئے نمبر ون بیٹر بن گئے ہیں۔
ٹیسٹ رینکنگ کے مطابق کیویز بیٹر کین ولیمسن دوسرے نمبر پر چلے گئے ہیں، بابر اعظم ایک درجہ ترقی کے بعد چوتھی پوزیشن سے تیسری پوزیشن پر آگئے ہیں جبکہ کیویز بیٹر ڈیرل مچل چوتھے نمبر پر آگئے ہیں۔
اس کے علاوہ ٹیسٹ آل راؤنڈرز کی رینکنگ میں بھارتی کھلاڑی رویندرا جڈیجا پہلی پوزیشن پر ہیں۔
دوسری جانب ٹی 20 رینکنگ میں آسٹریلوی کھلاڑی ٹریوس ہیڈ پہلی پوزیشن پر ہیں۔ بابر اعظم کی ایک درجہ تنزلی کے بعد پانچویں پوزیشن پر چلے گئے جبکہ محمد رضوان چھٹے نمبر پر ہیں۔
ٹی ٹوئنٹی آل راؤنڈرز میں آسٹریلوی کھلاڑی مارکس اسٹوائنس پہلی پوزیشن پر براجمان ہیں۔
