پی سی بی کا نسیم کے بعد بابر، رضوان اور شاہین کو بھی این او سی دینے سے انکار
پی سی بی نے نسیم شاہ کے بعد بابر اعظم، محمد رضوان اور شاہین آفریدی کو بھی این او سی دینے سے انکار کردیا۔
کرک انفو کی رپورٹ کے مطابق پی سی بی کی جانب سے فرنچائز کرکٹ کے لیے اہم کھلاڑیوں کو این او سی نہ دیے جانے کا امکان ہے جب کہ یہ فیصلہ دی ہنڈریڈ کے لیے نسیم شاہ کو این او سی دینے سے انکار کے بعد سامنے آیا ہے۔
رپورٹ کے مطابق بابر اعظم، محمد رضوان اور شاہین آفریدی ورک لوڈ کو مینج کرنے کے لیے 25 جولائی سے کینیڈا میں شروع ہونے والی گلوبل ٹی ٹوئنٹی لیگ کے لیے دستیاب نہیں ہوں گے۔
خیال رہے کہ آل فارمیٹ پلیئرز کے لیے پالیسی چیئرمین محسن نقوی، ہیڈ کوچز اور شعبہ انٹرنیشنل کی میٹنگ میں طے کی گئی ہے۔
اگلے سال مئی تک پاکستان کی نان اسٹاپ کرکٹ کی وجہ سے رواں سال تینوں فارمیٹ کھیلنے والے کھلاڑیوں کو لیگز کے لیے این او سی نہیں دی جائے گی۔
مسلسل کرکٹ کی وجہ سے این او سی کی پالیسی کو مزید محدود کیا جا رہا ہے تاکہ آل فارمیٹ کھیلنے والے کرکٹرز تھکاوٹ اور انجریز سے محفوظ رہیں۔
پی سی بی کی اولین ترجیح بھرپور سیزن کے لیے کھلاڑیوں کی انجری بحال رکھنا اور ورک لوڈ مینجمنٹ کرنا ہے، یہی ترجیح این او سی نہ دینے کی وجہ ہے۔
واضح رہے کہ آئندہ ماہ بنگلا دیش سیریز سے چیمپئنز ٹرافی 2025 تک پاکستان ٹیم نے 9 ٹیسٹ، 14 ون ڈے اور 9 ٹی ٹوئنٹی میچز کھیلنے ہیں۔
