سعودی سفیر کا پاکستانی ٹیم کو ورلڈکپ جیتنے پر خصوصی تحفہ دینے کا اعلان
سعودی عرب کے سفیر نواف بن سعید احمد المالکی پاکستانی ٹیم کو ورلڈکپ جیتنے پر خصوصی تحفہ دینے کا اعلان کردیا۔
تفصٰلات کے مطابق سعودی عرب کے سفیر نواف بن سعید احمد المالکی نے خصوصی ویڈیو پیغام میں آئی سی سی ٹی ٹوئنٹی ورلڈ کپ 2024 کے لیے پاکستان کرکٹ ٹیم کے لیے نیک خواہشات کا اظہار کیا۔
سعودی سفیر نے کہا کہ پاکستانی کرکٹ ٹیم کے اپنے بھائیوں کے لیے میرا پیغام ہے کہ انشاء اللہ آپ یہ ٹورنامنٹ جیتیں گے۔ پاکستانی عوام یقیناً ورلڈ کپ میں ٹیم کی کامیابی کا جشن منائیں گے۔
انہوں نے مزید کہا کہ میں پاکستان کی خوشحالی اور ترقی کے لیے بھی دعا گو ہوں۔
سعودی سفیر نے کہا کہ آئی سی سی ٹی ٹوئنٹی ورلڈ کپ 2024 جیتنے پر پاکستانی ٹیم اگلے برس حج پر شاہی مہمان ہو گی۔
https://x.com/TheRealPCBMedia/status/1797181379551105099
واضح رہے کہ قومی کرکٹ ٹیم ٹی ٹوئنٹی ورلڈ کپ میں اپنی مہم جوئی کا آغاز 6 جون کو ڈیلاس میں میزبان امریکہ کے خلاف میچ سے کرے گی۔
اس کے بعد 9، 11 اور 16 جون کو بالترتیب بھارت، کینیڈا اور آئرلینڈ کے خلاف میچز کھیلے گی۔