سرکاری ملازمین کی پنشن کیلئے نیا پلان سامنے آگیا
سرکاری ملازمین کی پنشن کیلئے نیا پلان سامنے آگیا ہے۔
آئی ایم ایف اور پاکستان کے درمیان نئے بیل آؤٹ پیکیج کے لیے پالیسی سطح کے مذاکرات میں پاکستان نے آئی ایم ایف کو اخراجات کم کرنے کا پلان پیش کر دیا ہے۔
پلان کے مطابق حکومت ایک سال میں غیر ضروری اخراجات میں 3 سو ارب روپے تک کمی لائی گی۔ آئندہ مالی سال سے پارلیمنٹیرنز کی ترقیاتی اسکیموں پر مکمل پابندی کا امکان ہے۔ وفاقی حکومت صوبوں کے تعاون سے جاری منصوبوں میں فنڈنگ بھی نہیں کرے گی۔
وفاق صوبوں کے تعاون سے جاری منصوبوں میں فنڈنگ نہیں کرے گا، آئندہ مالی سال وفاقی حکومت کوئی نئی یونیورسٹی نہیں بنائے گی، صوبائی حکومتوں کے ماتحت یونیورسٹیز کی فنڈنگ صوبے کریں گے۔
آئندہ مالی سال سے دفاع اور پولیس کے علاوہ تمام نئی بھرتیوں کیلئے شراکت دار پنشن اسکیم شروع کرنے کا پلان زیرغور ہے، آئی ایم ایف نے پاکستان کو پنشن سسٹم کا جائزہ لینے کی ہدایت کر رکھی ہے۔
اس کے علاوہ گزشتہ ایک سال سے خالی گریڈ 1 سے 16 کی آسامیوں کو ختم کرنے کا پلان ہے۔
