سدھارتھ ملہوترا کا اپنی اہلیہ کیساتھ فلم کرنے کے متعلق اہم بیان
بالی ووڈ سے تعلق رکھنے والے ریئل لائف کپل اداکار سدھارتھ ملہوترا اور اداکارہ کیارا اڈوانی کے مداحوں کی بڑی تعداد ہے جو کہ فلم شیرشاہ کے بعد ان دونوں کو ایک بار پھر ایک ساتھ اسکرین پر دیکھنے کے منتظر ہیں۔
اس حوالے سے جاری رپورٹس کے مطابق اداکار نے اپنے ایک بیان میں کیارا اڈوانی کے ساتھ اپنی پہلے سے اعلان کردہ روم کام فلم کے بارے میں بات کی۔
انہوں نے بتایا کہ اس حوالے سے بات چیت چل رہی ہے لیکن حتمی طور پر ابھی کچھ کہا نہیں جاسکتا ہے لیکن ہم مل کر کام کرنے اور اسکرپٹ کا صحیح امتزاج تلاش کرنے میں بہت دلچسپی رکھتے تھے، جہاں ہم دونوں اپنے کردار واضح ہوں۔
خیال رہے کہ گزشتہ سال وائرل ہونے والی ایک خبر کے مطابق سدھارتھ اور کیارا ایک عجیب رومانوی کامیڈی میں نظر آنے والے ہیں جو کرن جوہر دھرما پروڈکشن کے بینر تلے بنائیں گے۔
کامیاب فلم شیرشاہ کے بعد یہ دونوں اداکار سال 2021 کے بعد دوسری بار میں ایک دوسرے کے مدمقابل جلوہ گر ہوں گے۔
