بھارتی اداکارہ نے خودکشی کر لی
بھارتی اداکارہ اناپورنا، جو امریتا پانڈے کے نام سے مشہور ہیں، نے 27 اپریل کو اپنے اپارٹمنٹ میں خودکشی کر لی ہے۔
میڈیا رپورٹس کے مطابق بھوجپوری اداکارہ امریتا پانڈے بہار کے بھاگلپور میں واقع اپنے اپارٹمنٹ میں مشتبہ حالات میں مردہ پائی گئیں ہیں۔
جوگسر پولیس نے بتایا ہے کہ انہیں 27 اپریل کی شام کو خودکشی کی اطلاع موصول ہوئی تھی جس کے بعد افسران فوراً ہی موقع پر پہنچ گئی تھی اور موقع سے گلے میں پھندا لگی ساڑھی، موبائل اور دیگر سامان قبضے میں لے لیا گیا ہے۔
اس حوالے سےاداکارہ کے گھروالوں نے بتایا کہامریتا کی بہن 3.30 بجے ان کے کمرے میں گئی تھی جب وہ پنکھے سے لٹکی ہوئی پائی گئی۔
گھر والوں نے فوری طور پر پھندا کاٹ کر اسے فوری طور پر مقامی نجی اسپتال لے گئے جہاں اسے مردہ قرار دے دیا گیا۔
خیال رہے کہ اداکارہ نے بھوجپوری اور ہندی دونوں میں بہت سی فلموں، شوز، ویب سیریز اور اشتہارات میں کام کیا ہے۔
مرنے سے پہلے، امریتا نے اپنے واٹس ایپ اسٹیٹس پر ایک پوسٹ بھی شیئر کیا تھا جس میں لکھا تھا کہ “دو ناؤ میں سوار تھی اسکی زندگی، ہم نے اپنی ناؤ ڈوبا کے اسکا سفر آسان کر دیا۔”
