![امیر جماعت اسلامی](https://paklivetv.com/wp-content/uploads/2024/04/%DA%A9%D9%84-%D8%AC%D9%85%D8%A7%D8%B9%D8%AA-%D8%A7%D8%B3%D9%84%D8%A7%D9%85%DB%8C-%DA%AF%D9%86%D8%AF%D9%85-%DA%A9%DB%8C-%D8%AE%D8%B1%DB%8C%D8%AF%D8%A7%D8%B1%DB%8C-%DA%A9%DB%92-%D9%85%D8%B9%D8%A7%D9%85%D9%84%DB%92-%D9%BE%D8%B1-%D8%A7%D8%AD%D8%AA%D8%AC%D8%A7%D8%AC.jpeg)
کل جماعت اسلامی گندم کی خریداری کے معاملے پر احتجاج کرے گی، حافظ نعیم الرحمان
امیر جماعت اسلامی نے کہا ہے کہ کل جماعت اسلامی گندم کی خریداری کے معاملے پر احتجاج کرے گی، یہ بڑابحران ہے، کل پورے ملک میں بڑااحتجاج ہوگا۔
کراچی پریس کلب کے پروگرام میٹ دی پریس سے خطاب کرتے ہوئےامیرجماعت اسلامی حافظ نعیم الرحمان نے کہا کہ حکومت گندم خرید ہی نہیں رہی، کسان پریشان ہیں، قبضہ کی گئی زمینوں کو کسانوں میں تقسیم کیا جائے، مسلم لیگ ن کی سیاست ختم ہوچکی ہے، ایم کیوایم اورپی پی کو مسلط کرکے بدترین کام کیاگیا۔
حافظ نعیم الرحمان نے خطاب میں کہا کہ یہ غلط بات ہے کہ پاکستان میں گیس کے ذخائرختم ہورہے ہیں، ہمارے پاس گیس کے بلاک موجود ہیں، گیس ذخائر کی تلاش کے لیے نئی کمپنیوں کوبلایا ہی نہیں جارہا، 30لاکھ ٹن گندم امپورٹ کرنے والوں کو جیل میں ہونا چاہیے۔
امیرجماعت اسلامی نے کہا کہ سندھ حکومت کا کوئی حال نہیں ہے، کے فورمنصوبہ وفاق کہتا ہے ہم بنائیں گے سندھ کہتا ہے ہم بنائیں گے، ہروزیراعظم آکر اعلان کرتاہے2سال میں منصوبہ مکمل ہوجائے گا، 2سال بعد کہا جاتا ہےکہ اس منصوبے کی لاگت بڑھ گئی ہے۔
حافظ نعیم الرحمان نے مذید کہا کہ منصوبہ بندی نہ ہونےکی وجہ سےبین الاقوامی کمپنیاں نہیں رکتیں۔ کے فور منصوبہ بن بھی جائے تو پانی کی سروس کا نظام ہی نہیں۔