![](https://paklivetv.com/wp-content/uploads/2024/04/پنجاب-کو-ایسا-آئی-سی-ٹی-صوبہ-بنانا-چاہتی-ہوں.jpeg)
“پنجاب کو ایسا آئی سی ٹی صوبہ بنانا چاہتی ہوں جہاں ٹیکنالوجی سب کیلئے قابل رسائی ہوں”
وزیرِ اعلیٰ پنجاب مریم نواز شریف نے کہا ہے کہ پنجاب کو ایسا آئی سی ٹی بیسڈ صوبہ بنانا چاہتی ہوں جہاں صنفی امتیاز کے بغیر ٹیکنالوجی سب کے لیے قابل رسائی ہوں۔
وزیرِ اعلیٰ مریم نواز نے “لڑکیوں کیلئے انفارمیشن اینڈ کمیونیکیشن ٹیکنالوجی” کے عالمی دن پر پیغام دیتے ہوئے کہا کہ انفارمیشن اینڈ کمیونیکیشن ٹیکنالوجی (آئی ٹی سی) خواتین کو بااختیار بنانے کے مواقع فراہم کرتا ہے۔
انہوں نے کہا کہ اپنے معاشرے کو ترقی یافتہ بنانے کیلئے ضروری ہے کہ ہماری بچیاں انفارمیشن ٹیکنالوجی سکلز حاصل کریں، پنجاب کو ایسا آئی سی ٹی بیسڈ صوبہ بنانا چاہتی ہوں جہاں صنفی امتیاز کے بغیر ٹیکنالوجی سب کے لیے قابل رسائی ہوں۔
مریم نواز نے کہا کہ خواتین کو آئی سی ٹی سکلز سے بااختیار بنا کر ترقی کے بے شمار مواقع پیدا کرنا چاہتی ہوں، نالج بیسڈ اکانومی، مالیاتی ٹیکنالوجی (FinTech) اور اداروں کو ڈیجیٹائزیشن پر پوری توجہ مرکوز ہے۔
انکا کہنا ہے کہ ڈیجیٹل خواندگی اور انٹرپرینیورشپ کےفروغ اور ای کامرس کو فروغ دینے کے لیے اقدامات کر رہے ہیں، پاکستان میں لڑکیوں کو آئی سی ٹی اور فری لانسنگ کے ذریعے بااختیار بنایا جا سکتا ہے، خواتین آئی سی ٹی ڈیجیٹل اسپیس کے ذریعے آمدنی کے نئے ذرائع تک رسائی حاصل کر سکتی ہیں۔
وزیرِ اعلیٰ نے مزید کہا کہ فری لانسنگ ان لڑکیوں کو گھر سے کام کرتے ہوئے روزی کمانے کا موقع فراہم کرتی ہے، آئی سی ٹی تعلیم سے لڑکیوں کو ایسی سکلز پیدا کرنے میں بھی مدد مل سکتی ہے جن کی عالمی مارکیٹ میں مانگ ہے۔