وزیراعلیٰ پنجاب کا گجرات میں اسپتال کی چھت گرنے کا نوٹس؛ ایم ایس برطرف
وزیراعلیٰ پنجاب مریم نواز نے گجرات کے عزیز بھٹی شہید اسپتال کی چھت گرنے کے معاملے پر سخت نوٹس لیتے ہوئے ایم ایس کو برطرف کردیا۔
اسپتال کی چھت گرنے پر وزیراعلیٰ مریم نواز کی جانب سے ایم ایس عزیز بھٹی شہید اسپتال گجرات کو عہدے سے فارغ کردیا گیا جبکہ بلڈنگ ڈیپارٹمنٹ کے 3 افسر بھی معطل کردیے جن مییں ایگزیکٹیو انجینئر محمد رؤف، ایس ڈی او فواد منیر اور سب انجینئر سرتاش شامل ہیں۔
وزیراعلیٰ مریم نواز کی جانب سے ایڈیشنل چارج ایم ایس ڈاکٹر آصف کو محکمہ صحت رپورٹ کرنے کی ہدایت کردی گئی۔
اس حوالے سے وزیراعلیٰ مریم نواز نے ایکشن لیتے ہوئے 10رکنی انکوائری کمیٹی قائم کردی اور کمشنر گوجرانوالہ انکوائری کمیٹی کے سربراہ مقرر کردیے گئے۔
خصوصی کمیٹی میں ڈپٹی کمشنر گجرات اور ماہرین تعمیرات دیگر شامل ہوں گے، کمیٹی 72 گھنٹے میں اسپتال کی چھت گرنے کے واقعے پر رپورٹ پیش کرے گی۔
