جوہانسبرگ؛ قومی ون ڈے اسکواڈ کے کھلاڑی پاکستان کے لیے روانہ – پاک لائیو ٹی وی

جوہانسبرگ: قومی ون ڈے اسکواڈ کے کھلاڑی براستہ دبئی پاکستان کے لیے روانہ ہوگئے ہیں۔

قومی ون ڈے اسکواڈ میں شامل شاہین شاہ آفریدی، حارث روف، سفیان مقیم، طیب طاہر، عثمان خان، ابرار احمد، عرفان خان اور محمد حسنین براستہ دبئی پاکستان کے لیے روانہ ہوئے ہیں۔

ون ڈے اسکواڈ میں شرکت کرنے والے باقی کھلاڑیوں نے ٹیسٹ اسکواڈ کو جوہانسبرگ میں جوائن کرلیا ہے۔

ٹیسٹ اسکواڈ جوائن کرنے والوں میں بابر اعظم، محمد رضوان، صائم ایوب، نسیم شاہ، سلمان علی آغا، کامران غلام اور عبداللہ شفیق شامل ہیں۔

قومی ٹیسٹ اسکواڈ کل سنچورین میں پریکٹس کرے گا جب کہ قومی ٹیسٹ اسکواڈ مقامی وقت کے مطابق ساڑھے بارہ بجے پریکٹس شروع کرے گا۔

واضح رہے کہ پاکستان اور جنوبی آفریقہ کے درمیان پہلا ٹیسٹ میچ 26 دسمبر سے شروع ہوگا جب کہ دوسرا ٹیسٹ 3 جنوری 2025 سے کھیلا جائے گا۔