میرا کرکٹرز سے کوئی لینا دینا نہیں، تمام کھلاڑی میرے بھائی ہیں؛ اداکارہ نازش جہانگیر
پاکستان شوبز انڈسٹری کی مشہور و معروف اداکارہ نازش جہانگیر نے کہا ہے کہ میرا کرکٹرز سے کوئی لینا دینا نہیں، تمام کھلاڑی میرے بھائی ہیں۔
گزشتہ روز معروف اداکارہ نازش جہانگیر نے انسٹاگرام پر سوال جواب کا ایک سیشن رکھا تھا جہاں بابراعظم کے مداحوں نے سوال کیا تھا کہ اگر قومی ٹیم کے کپتان آپکو شادی کی پیشکش کریں تو آپکا کیا جواب ہوگا؟
اس سوال پر نازش جہانگیر نے معذرت کرلی تھی تاہم کرکٹر کے مداحوں نے انہیں شدید تنقید کا نشانہ بنایا اور ٹرول کیا۔
اب حال ہی میں معروف اداکارہ نے اپنے سابقہ بیان کے بعد تمام قومی کرکٹرز کو اپنا بھائی کہہ دیا۔
انہوں نے انسٹاگرام کی اسٹوری پر لکھا کہ بابراعظم کے مداح ٹریگر ہوگئے ہیں اور دل کھول کر منفی پہلو اجاگر کر رہے ہیں، بابر بھائی ہم سب کے بھائی ہیں! میرا کرکٹرز سے کوئی لینا دینا نہیں، خوامخواہ میرے پیچھے پڑ گئے ہیں۔
ان کا کہنا تھا کہ وہ شوبز انڈسٹری سے تعلق رکھنے والے کسی بھی شخص سے شادی نہیں کریں گی، یہ اور بھی بہتر ہوگا کہ وہ پاکستان سے باہر ہو۔ میں نے اس کے بارے میں کبھی سوچا نہیں لیکن اگر آپشن دیا گیا تو میں شادی کے بعد بیرون ملک کہیں بھی سیٹل ہو جاؤں گی، چاہے وہ امریکا، دبئی، کینیڈا یا لندن کیوں نہ ہو۔
خیال رہے کہ نازش جہانگیر نے سوال و جواب کے اس سیشن کے بعد اپنا آفیشل انسٹاگرام ہینڈل پبلک سے پرائیوٹ کردیا ہے۔
