![پی ٹی آئی دورِ حکومت کی وفاقی کابینہ ارکان کے نام ای سی ایل سے نکالنے کا فیصلہ](https://www.bolnews.com/urdu/wp-content/uploads/2024/04/%D9%BE%DB%8C-%D9%B9%DB%8C-%D8%A2%D8%A6%DB%8C-%D8%AF%D9%88%D8%B1-%D8%AD%DA%A9%D9%88%D9%85%D8%AA-%DA%A9%DB%8C-%D9%88%D9%81%D8%A7%D9%82%DB%8C-%DA%A9%D8%A7%D8%A8%DB%8C%D9%86%DB%81-635x380.jpg)
پی ٹی آئی دورِ حکومت کی وفاقی کابینہ ارکان کے نام ای سی ایل سے نکالنے کا فیصلہ
اسلام آباد: پی ٹی آئی دور حکومت کی وفاقی کابینہ ارکان کے نام ای سی ایل سے نکال دیے گئے۔
ذرائع کے مطابق شہباز حکومت نے بڑا فیصلہ کرتے ہوئے پی ٹی آئی دورِ حکومت کی وفاقی کابینہ ارکان کے نام ای سی ایل سے نکالنے کا فیصلہ کیا ہے۔
ذرائع کا کہنا ہے کہ بانی پی ٹی آئی، بشریٰ بی بی، فرح گوگی اور زلفی بخاری کے نام ای سی ایل پر برقراررہیں گے۔
ذرائع نے بتایا کہ موجودہ کابینہ نے پی ٹی آئی کابینہ ارکان کے نام ای سی ایل سے نکالنے کی منظوری دی۔
وزیراعلیٰ خیبرپختونخوا علی امین گنڈاپور کا نام ای سی ایل سے نکال دیا گیا ہے جب کہ غلام سرور، مرادسعید، پرویزخٹک اور شفقت محمود کے نام ای سی ایل سے نکال دیےگئے ہیں۔
ای سی ایل سے نکالے جانے والوں میں اعجاز شاہ، علی زیدی، خسروبختیار اور اعظم سواتی کےنام شامل ہیں جب کہ اسدعمر، عمرایوب، محبوب سلطان اور فوادچوہدری کے نام بھی ای سی ایل سے نکال دیے گئے ہیں۔
علاوہ ازیں ای سی ایل سے نکالے جانے والے ناموں میں فروغ نسیم، شیریں مزاری ودیگر نام شامل ہیں جب کہ وفاقی حکومت نے نیب کی سفارش پر نام ای سی ایل سے نکالنے کی منظوری دی ہے۔