طورخم بارڈر پر دو مال بردار گاڑیوں سے غیر قانونی اسلحہ برآمد
فرنٹیئر کور نارتھ اور کسٹمز نے طورخم بارڈر پر مشترکہ کارروائی کی جس کے نتیجے میں دو مال بردار گاڑیوں سے غیر قانونی اسلحہ برآمد کرلیا گیا۔
فرنٹیئر کور نارتھ اور کسٹمز کی مشترکہ کاروائی کے نتیجے میں افغانستان سے پاکستان اسلحہ اسمگل کرنے کی کوشش ناکام بنا دی گئی۔
طورخم بارڈر پر تلاشی کے دوران دو مال بردار گاڑیوں سے غیر قانونی اسلحہ پکڑا گیا جس میں تین عدد ایم 16 رائفلز، دو بریٹا پسٹل، اے کے 47 کے 4000 راونڈز، اے کے 47 کے 8 عدد بولٹس اور 40 عدد سپرنگ، 5 عدد پسٹل میگزین، 9 ایم ایم پسٹل کے 8000 راونڈز اور ایک پسٹل بغیر بیرل کے برآمد کر لی۔
ایف سی نارتھ نے گاڑیوں کے ڈرائیور اور برآمد اسلحہ مزید قانونی کارروائی کے لئے کسٹمز کے حوالے کر دیا۔
فرنٹیئر کور نارتھ غیر قانونی اسلحے کی اسمگلنگ میں ملوث عناصر کے خلاف متحرک ہے اور اسلحہ اسمگل کرنے کی ایسی کسی بھی کوشش کو ناکام بنایا جائے گا۔
