پیرس اولمپکس مشعل روشن کرنے کی ریہرسل
یونان کے قدیم شہر اولمپیا میں پیرس اولمپکس 2024 کی مشعل روشن کرنے کی ریہرسل کی گئی۔
تفصیلات کے مطابق روایتی تقریب میں یونانی اداکارہ میری مینا نے پجارن کا روپ دھارکر 2500 سال پرانے مندر کے کھنڈرات کے سامنے سورج کی کرنوں کی مدد سے شیشے سے مشعل کو روشن کیا۔
اس موقع پر دنیا میں امن و امان کے لیے دعا بھی کی گئی۔
اس کے بعد پجارن نے مشعل اور زیتون کی شاخ پہلے مشعل بردار کے حوالے کی۔
پیرس اولمپکس کی مشعل روشن کرنے کی باضابطہ تقریب منگل کوہوگی جس کے بعد یونان بھر میں ٹارچ ریلے کا آغاز کیا جائے گا۔
بعدازاں یونانی منتظمین 26 اپریل کو ایتھنز کے پاناتھینیک اسٹیڈیم میں ایک تقریب میں فرانسیسی وفد کو شعلہ سونپیں گے۔
پیرس اولمپکس 26 جولائی سے 11 اگست تک منعقد ہوں گے۔
