میٹرک اور انٹر کے امتحانات کب ہوں گے؟ فیصلہ ہوگیا
میٹرک اور انٹر کے امتحانات مارچ اور اپریل میں لینے کا فیصلہ کیا گیا ہے۔
محکمہ تعلیم سندھ کی اسٹیرنگ کمیٹی کا اجلاس ہوا جس میں میٹرک اور انٹر کے امتحانات مارچ اور اپریل میں لینے کا فیصلہ کیا گیا۔
فیصلے کے مطابق نویں اور دسویں کے امتحانات 15 مارچ سے ہوں گے جبکہ گیارویں اور بارویں جماعت کے امتحانات 15 اپریل سے ہوں گے۔
میٹرک کے نتائج 15 جولائی اور انٹرکے نتائج 15 اگست تک آئیں گے۔
سندھ میں اسکولوں میں تعلیمی سال26-2025 یکم اپریل سے شروع کیا جائے گا جبکہ کالجز میں نیا تعلیمی سال یکم اگست 2025 میں شروع ہوگا۔
موسم سرما اور گرما کی تعطیلات کا پرانا شیڈول برقرار رہے گا، موسم گرما کی تعطیلات یکم جون سے 31 جولائی تک جبکہ موسم سرما کی تعطیلات 22 دسمبر سے 31 دسمبر تک ہوں گی۔
