ملائکہ اروڑہ کے بیٹے کا والدہ سے دلچسپ سوال؛ ویڈیو وائرل
بالی ووڈ اداکار اور پروڈیوسر ارباز خان اور ملائکہ اروڑا کے بیٹے ارہان خان نے اپنی والدہ سے ان کی شادی کے منصوبوں کے بارے میں سوال کیا ہے۔
میڈیا رپورٹس کے مطابق ارہان خان نے اپنے چیٹ شو ‘ڈمب بریانی’ کے آنے والے ایپی سوڈ میں ملائکہ اروڑہ کے ساتھ نظر آئے کا ایک ٹیزر ‘ڈمب بریانی’ کے آفیشل انسٹاگرام اکاؤنٹ پر شیئر کیا گیا ہے۔
ٹیزر میں، ارہان اپنے چیٹ شو میں اپنی ماں کی میزبانی کرتے نظر آ رہے ہیں جبکہ انہیں ملائکہ سے ان کی شادی کے متعلق سوال کرتے ہوئے بھی سنا جاسکتا ہے تاہمٹیزر میں ملائکہ کا ردعمل ظاہر کرنے سے گریز کیا گیا ہے۔
خیال رہے کہ ملائکہ اروڑہ تقریباً 19 سال تک ارباز خان کے ساتھ شادی کے بندھن میں تھی تاہم سال 2017 میں ان کی طلاق ہوگئی۔
بعدازاں ارباز خان نے دسمبر 2023 میں شورا خان سے دوسری شادی کی جبکہ ملائکہ اروڑہ اداکار ارجن کپور کے ساتھ تعلق میں ہیں۔
