اسٹیج اداکارہ نگار چوہدری کے خاوند سے 10 کلو کوکین برآمد
اسٹیج اداکارہ نگار چوہدری کے خاوند سے 10 کلو کے لگ بھگ کوکین برآمد ہوئی ہے۔
سی آئی اے پولیس کے مطابق اداکارہ نگار چوہدری کا خاوند عمار بٹ عرف سپیڈی رنگے ہاتھوں پکڑا گیا تھا، دو ماہ قبل ملزم کو وحدت کالونی سے گاڑی سمیت پکڑا گیا، گاڑی سے بھاری مقدار میں کوکین ملی۔
سی آئی اے پولیس نے بتایا کہ اداکارہ نگار چوہدری کے گھر سے منشیات پکڑی گئی، ویڈیو سامنے آگئی، ملزم نے اقرار جرم بھی کیا۔
پولیس کا کہنا ہے کہ ملزم عمار بٹ 6 سال تک بیرون ملک کی جیل میں بھی قید رہا، اسٹیج اداکارہ کی رہائشگاہ میں ریڈ کے دوران بھی بھاری مقدار میں منشیات برآمد ہوئی۔
پولیس ذرائع نگار چوہدری کا خاوند جیل میں قید، ٹرائل چل رہا، اداکارہ خاوند کو سزا سے بچانے کیلئے پولیس پر الزام لگا رہی۔
سی آئی اے پولیس نے مزید کہا کہ پولیس ریڈ کے دوران اداکارہ کے گھر سے بیگ پکڑے گئے جن میں منشیات موجود تھیں، منشیات کے نمونہ جات فرانزک لیب بھجوائے گئے جبکہ قانونی کارروائی تاحال جاری ہے۔
