وزیراعلیٰ پنجاب مریم نواز شریف بازوؤں اورٹانگوں سے محروم آرٹسٹ کی آواز بن گئیں۔
وزیراعلیٰ مریم نواز نے اسپیشل اسکیچ آرٹسٹ محمدعظیم کو تقرری کا لیٹر دے دیا، محمدعظیم الحمراء اکیڈمی آف پرفارمنگ اینڈ ویوزول آرٹ میں فرائض سرانجام دیں گے۔
مریم نواز نے ہمت کارڈ کی تقریب میں اسپیشل پرسن کو ملازمت دلانے کا وعدہ کیا تھا، بازوؤں اورٹانگوں سے محروم محمد عظیم پینسل سے اسکیچ بنانے کے ماہر ہیں۔
وزیراعلیٰ مریم نوازکی ہدایت پر محمد عظیم کو الیکٹرک وہیل چیئر فراہم کی گئی اور وزیراعلی مریم نواز نے محمد عظیم کے گھرکی سڑک بھی بنوانے کا حکم دیا۔
اسپیشل اسکیچ آرٹسٹ محمد عظیم کی نوازشریف سے ملاقات کی خواہش کا اظہار کیا۔
وزیر اعلیٰ مریم نواز نے کہا کہ اسپیشل ہونے کے باوجود محمد عظیم کا ہمت وحوصلہ قابل ستائش ہے، محمدعظیم کی بنائی ہوئی تصویرآفس میں آویزاں کیں۔
انہوں نے کہا کہ محمد عظیم نے معذوری کو آڑے نہیں آنے دیا اور اپنے ہنر سے لوگوں کو حیران کر دیا۔
باہمت نوجوان محمد عظیم کا کہنا تھا کہ وزیراعلیٰ مریم نواز نے جس شفقت کا اظہار کیا اسے میں ہمیشہ یاد رکھوں گا، وزیراعلیٰ مریم نواز نے وعدہ کیا اور نبھایا میں دل سے ان کا مشکور ہوں۔
اسپیشل پرسن محمدعظیم کے والد نے بھی وزیراعلیٰ مریم نواز کا شکریہ ادا کیا۔
