اداکارہ حبا بخاری نے اپنے حاملہ ہونے کی خبروں کی تصدیق کردی
پاکستان شوبز انڈسٹری کی مشہور و معروف اداکارہ حبا بخاری نے اپنے حاملہ ہونے کی خبروں کی تصدیق کردی ہے۔
حال ہی میں حبا بخاری اور ان کے شوہر آریز احمد نے اپنے یوٹیوب چینل پر لائیو سیشن کیا جس میں انہوں نے بتایا کہ میں ہمیشہ آپ کی محبت اور سپورٹ کی قدر کرتی ہوں، میرے پرستار میرے لیے بہت قیمتی ہیں، ہاں میں حاملہ ہوں، میں اور آریز جلد ہی والدین بننے والے ہیں۔
انہوں نے کہا کہ اس دوران میں کام میں مصروف تھی، اپنی شوٹنگ کر رہی تھی، کیونکہ مجھے اپنے کیے ہوئے وعدوں کو پورا کرنا تھا۔
ان کا کہنا تھا کہ میرے خیال میں حمل زندگی کا حصہ ہے، وہ دن گئے جب لوگ حمل کے دوران گھر میں رہتے تھے، اب آپ کو حمل کے دنوں میں کام کرنا چاہیے، اگر آپ اسے آسانی سے سنبھال سکتے ہیں۔
حبا بخاری نے مزید کہا کہ ہم نے یہ خبر ایک ویڈیو کے ذریعے اپنے مداحوں کو بتانے کا فیصلہ کیا تھا لیکن یہ خبر پہلے ہی سب کے سامنے آچکی ہے اور آپ لوگ اس کے بارے میں جانتے ہیں، خبر سامنے آنے کے بعد جس طرح سے میرے مداحوں اور سب نے ہمارا ساتھ دیا اس پر میں خوش ہوں۔
