پاکستان میں ایک ہی دن میں پولیو کے تین نئے کیسز سامنے آ گئے
پاکستان میں ایک ہی دن میں پولیوکے تین نئے کیسزسامنے آگئے۔ بلوچستان، سندھ، اور خیبر پختونخوا سے ایک ایک پولیو کیس رپورٹ ہوا۔
بلوچستان کے علاقے قلعہ عبداللہ میں بچہ وائرس کا شکار ہوا۔ سندھ میں کراچی کے علاقے کیماڑی کے رہائشی بچے میں بھی پولیو کی تصدیق ہوئی۔ خیبر پختونخوا کے ضلع مہمند کے بچے میں بھی پولیو وائرس نکل آیا۔
پولیو نیشنل ایمرجنسی سنٹر نے بھی نئے تین نئے پولیو کیسزکی تصدیق کردی۔ رواں سال پاکستان میں پولیو کیسز کے مجموعی کیسز کی تعداد 21 ہوگئی۔
قومی ادارہ صحت کی انسداد پولیو لیبارٹری نے تینوں بچوں میں وائلڈ پولیو وائرس ٹائپ ون کی تصدیق کردی۔
وزیراعظم کی فوکل پرسن برائے انسدادِ پولیوعائشہ رضا فاروق نے پولیو کیسز پر تشویش کا اظہار کرتے ہوئے کہا کہ والدین اپنی ذمہ داری نبھائیں، بچوں کی ویکسینیشن لازمی کروائیں۔
عائشہ رضا فاروق نے کہا کہ حکومتِ پاکستان پولیو کے خاتمے کے لئے پہلے سے زیادہ پُرعزم ہے۔
