تعلیمی اداروں سے متعلق حکومت کا اہم فیصلہ
تعلیمی اداروں سے متعلق حکومت نے اہم فیصلہ کر لیا ہے۔
ذرائع کے مطابق خیبرپختونخوا اسمبلی کے اجلاس میں وزیر تعلیم مینا آفریدی نے کہا کہ تعلیمی سلیبس کو جدید دور کے مطابق ترتیب دے رہے ہیں۔
انہوں نے کہا کہ گورنمنٹ کامرس کالج جمرود سے نئے مضامین پڑھانے کا آغاز کرچکے ہیں، جن مضامین یا ڈیپارٹمنٹ میں طلباء کی تعداد نہ ہونے کے برابر ہو انہیں ختم کیا جائے گا۔
اجلاس میں اسپیکر بابر سلیم نے ہدایت کی کہ حکومت ملازمتوں کے حوالے سے واضح پالیسی بنائے، نوجوان پبلک سروس کمیشن کے لیے محنت کرتے ہیں پھر پالیسی تبدیل ہو جاتی ہے۔
اسپیکر نے توجہ دلاؤ نوٹس پر رولنگ دی کہ محکمے مسائل کے حل پر توجہ دیں مشکلات میں اضافہ نہ کریں۔
دوران اجلاس جے یو آئی رہنما عدنان وزیر نے لیکچررز کی مختلف آسامیوں پر بھرتی کا عمل روکنے پر احتجاج کیا۔
