ناروے فٹبال کپ میں پاکستان ٹیم کی پہلی فتح – پاک لائیو ٹی وی

پاکستان اسٹریٹ چائلڈ فٹبال ٹیم نے پہلے میچ میں ناروے کے استور کلب کو 1 کے مقابلے میں 6 گول سے آوٹ کلاس کردیا۔

اوسلو میں کھیلے گئے میچ میں استورکلب نے پہلے ہاف میں گول کرکے پاکستان کیخلاف برتری حاصل کرلی لیکن پاکستان اسٹریٹ چائلڈ ٹیم نے جلد ہی گول داغ کر برتری کا خاتمہ کردیا۔

قومی اسٹریٹ چائلڈ ٹیم نے دوسرے ہاف میں شاندارکھیل پیش کرتے ہوئے مزید 5 گول اسکور کر ڈالے۔

پاکستان کی جانب سے عبدالغنی نے 2، عیسی، جنید، اویس اور محمد خان نے ایک ایک گول اسکورکیا۔

قومی اسٹریٹ چائلڈ فٹبال ٹیم اپنا دوسرا میچ 29 جولائی کو کووارڈینسیٹ فٹبال کلب کے خلاف کھیلے گی۔