مفت سولر سسٹم؟ حکومت نے بڑا اعلان کردیا
مفت سولر سسٹم کے حوالے سے خیبر پختونخوا حکومت نے بڑا اعلان کردیا ہے۔
ذرائع کے مطابق وزیراعلیٰ خیبر پختونخوا علی امین گنڈاپور نے صوبے میں لوڈشیڈنگ سے پریشان غریب خاندانوں کو سولر سسٹم دینے کی ہدایت کی ہے۔ صوبائی حکومت کے تحت خیبرپختونخوا کے غریب خاندانوں کو 2 کے وی کا سولر سسٹم دیا جائے گا۔
علاوہ ازیں وزیر اعلیٰ خیبر پختونخوا علی امین گنڈاپور کی زیر صدارت محکمہ صحت کا اجلاس ہوا جس میں اسپتالوں میں چلڈرن ایمرجنسی رومز اینڈ ٹیلی میڈیسن سینٹر کے قیام پر غور کیا گیا۔
دوران اجلاس بریفنگ میں بتایا گیا کہ ٹیلی میڈیسن سینٹرز کے قیام کا مقصد بچوں کی شرح اموات میں کمی لانا ہے، سینٹرز سے بچوں کو ایمرجنسی علاج کی فراہمی یقینی بنائی جاسکے گی،صوبے میں 9 ایمرجنسی رومز اور 100 ٹیلی میڈیسن سینٹر کے قیام کی تجویزہے۔
اجلاس میں علی امین گنڈاپور کا کہنا تھا کہ کابینہ کی منظوری سے ایمرجنسی رومز اور سینٹرز کا قیام عمل میں لایا جائے گا، انہوں نے جلد ہوم ورک مکمل کر کے کابینہ کو پیش کرنے کی ہدایت کردی۔
