ٹیسٹ اور ٹی ٹوئنٹی پلیئرر رینکنگ جاری، بابر اور شاہین شامل
آئی سی سی نے ٹیسٹ اورٹی ٹوئنٹی پلیئرز کی نئی رینکنگ جاری کردی۔
انٹرنیشنل کرکٹ کونسل کی جانب سے ٹیسٹ اورٹی ٹوئنٹی پلیئرز کی نئی رینکنگ جاری کی گئی ہے جب کہ ٹیسٹ رینکنگ میں انگلینڈ کے کھلاڑیوں نے ترقی کی ہے۔
حال ہی میں ریٹائر ہونے والے انگلش فاسٹ بولر جیمز اینڈرسن نے کیرئیرکا اختتام آٹھویں پوزیشن پرکیا۔
بیٹرز رینکنگ میں نیوزی لینڈ کے کین ولیسمن کا پہلا نمبرہے۔ پاکستان کے بابراعظم بدستور تیسری پوزیشن پربراجمان ہیں۔
بولرزمیں آسٹریلیا کے جوش ہیزل ووڈ سرفہرست، پاکستان کے شاہین آفریدی نویں نمبر پر موجود ہیں۔
ٹی ٹوئنٹی بیٹرز رینکنگ میں پاکستانی کپتان بابراعظم کا چوتھا اورمحمد رضوان کا پانچواں نمبرہے جب کہ شاہین شاہ آفریدی تین درجے ترقی کے بعد چودہویں نمبر پر آگئے ہیں۔
