بھارتی اداکار جنسی طور پر ہراساں کرنے کے الزام میں گرفتار
تیلگو ٹیلی ویژن کے اداکار چاریتھ بالاپا کو جنسی طور پر ہراساں کرنے کے الزام میں گرفتار کرلیا گیا۔
اداکار چاریتھ بالاپا کے حوالے سے بنگلور میں پولیس نے بتایا کہ ان کے خلاف ایک خاتون اداکارہ نے شکایت داخل کی تھی۔
پولیس کا کہنا ہے کہ مذکورہ بالا ہراسگی، جنسی حملے اور دھمکیاں یکم نومبر 2023 سے 13 دسمبر 2024 کے درمیان دی گئیں۔
خاتون شکایت کنندہ تیلگو اور کناڈا سیریلز میں کام کرچکی ہیں، انکا کہنا ہے کہ وہ ملزم کو 2017 سے جانتی ہیں۔
