شام میں ترکیہ کے سفارت خانے نے 12 سال بعد کام شروع کر دیا
بشارالاسد حکومت کا خاتمے کے بعد شام میں ترکیہ کے سفارت خانے نے 12 سال بعد دوبارہ کام شروع کر دیا ہے۔
غیر ملکی میڈیا رپورٹس کے مطابق شام کے دارالحکومت دمشق میں ہفتے کے روز ترکیے کے سفارتی مشن نے 12 سال کے وقفے کے بعد اپنی سرگرمیاں دوبارہ شروع کیں اور ترکیہ کا پرچم سفارتخانے پر لہرایا۔
سفارتی مشن شروع ہونے کے بعد ترکیے نے شام میں برہان کور اوغلو کو ناظم الامور مقرر کر دیا ہے۔
یاد رہے کہ ترکیہ نے سابق صدر بشارالاسد حکومت کے خلاف 2011 میں مظاہرے کرنے والوں پر بدترین کریک ڈاؤن کے خلاف 2012 میں شام میں اپنی سفارتی سرگرمیاں روک دی تھیں۔
اس فیصلے کے بعد سفارتخانے کا عملہ اور ان کے اہل خانہ ترکیہ واپس چلے گئے تھے۔
دوسری جانب بشار الاسد حکومت کے خاتمے کے بعد اب استنبول میں شامی قونصلیٹ جنرل نے بلا تعطل اپنی سرگرمیاں جاری رکھی ہوئی ہیں۔
واضح رہے کہ گزشتہ دنوں شام میں اپوزیشن فورسز کی جانب سے دارالحکومت دمشق پر کنٹرول اور شامی صدر بشار الاسد کے فرار کے بعد ترکیہ میں شامی قونصل خانے سے شامی پرچم اتار دیا تھا۔
