ڈاکٹر اکبر نیازی ٹیچنگ اسپتال نے پاکستان کی آبادی کی بڑھتی ہوئی صحت کی دیکھ بھال کی ضروریات کو پورا کرنے کیلئے ایک جدید ہیلتھ انشورنس پروگرام کا صحت تحفظ کارڈ کے نام افتتاه افتتاح کر دیا۔
یہ نیا اقدام، صرف 12 ہزارروپے کے برائے نام سالانہ پریمیم پردستیاب ہے، جو صرف ایک ہزار روپے ماہانہ کے برابر ہے، سالانہ ہیلتھ کوریج میں ایک فرد کو7 لاکھ 50 ہزارروپے تک کی کوریج فراہم کرتا ہے۔
صرف 1500 روپے کی اضافی سالانہ فیس پر کارڈ ہولڈرز 5 لاکھ روپے کی لائف انشورنس کوریج سے بھی مستفید ہو سکتے ہیں، جو حادثاتی اور قدرتی موت دونوں کا احاطہ کرتے ہیں۔
کُل سالانہ صحت اور زندگی کی کوریج 12 لاکھ 50 ہزار روپے فراہم کرتے ہیں۔ صحت تحفظ کارڈ تین درجوں میں آتا ہے، بنیادی کارڈ، کلاسک کارڈاور کلاسک پلس کارڈ۔
بنیادی کارڈ انفرادی سبسکرائبرز کے لیے صحت کی کوریج فراہم کرتا ہے، کلاسک اور کلاسک پلس کارڈز میاں بیوی اور بچوں کے لیے کوریج کے ساتھ خاندان کے سربراہ تک صحت اور زندگی کی بیمہ فراہم کرتے ہیں۔
عسکری جنرل انشورنس کمپنی لمیٹڈ کے تعاون سے شروع کیا گیا، صحت تحفظ کارڈ نہ صرف قابل اعتماد اور موثر کلیمز پروسیسنگ فراہم کرتا ہے۔
افتتاحی تقریب میں مہمان خصوصی ممبر صوبائی اسمبلی پنجاب اور پارلیمانی سیکرٹری برائے پنجاب ایمرجنسی سروسزضیا اللہ شاہ تھے، جنہوں نے سماجی و اقتصادی حیثیت سے قطع نظر سب کو سستی صحت کی سہولیات فراہم کرنے کے لیے ہسپتال کی کوششوں کو سراہا۔ انہوں نے صحت تحفظ کارڈ کو ایک “انقلابی قدم” قرار دیا۔
اس موقع پر ڈاکٹر اکبر نیازی ٹیچنگ اسپتال کے چیف ایگزیکٹو آفیسر یاسر خان نیازی نے اس بات پر زور دیا کہ صحت تحفظ کارڈ صرف ایک انشورنس پروڈکٹ نہیں ہے بلکہ اسپتال کے بنیادی مشن کا عکاس ہے۔
انہوں نے کہاکہ ایک ایسے ملک میں جو بیماریوں کے بڑھتے ہوئے بوجھ، معاشی چیلنجوں، اور عوامی صحت کی دیکھ بھال کے ایک تناو والے نظام سے دوچار ہے، یہ بہت ضروری ہے کہ ہم نجی ہسپتال کے طور پر بوجھ کو بانٹنے اورعملی حل فراہم کرنے کے لیے آگے بڑھیں۔
صحت تحفظ کارڈ مالی رکاوٹوں کو کم کرنے کے لیے ڈیزائن کیا گیا ہے جواس بات کو یقینی بناتا ہے کہ کوئی بھی اپنی مالی حدود کی وجہ سے صحت کی سہولیات سے محروم نہ رہ جائے۔
ایونٹ میں ممتاز کاروباری شخصیات اور مقامی سماجی شخصیات نے اپنے بهرپور تعاون کی یقین دہانی کرائی۔
