بھارتی بحریہ کی نااہلی اور نکمے پن کا ایک اور ثبوت
بھارتی بحریہ کی نااہلی کا ایک اور واقعہ سامنے آگیا ہے جس میں بھارتی آبدوز ماہی گیر کشتی سے ٹکرا گئی۔
بھارت کی بحریہ کی ایک اور نااہلی سامنے آئی ہے، بھارتی آبدوز نے گوا کے ساحل سے تقریباً 70 ناٹیکل میل دور ایک ماہی گیر کشتی کو ٹکر مار دی۔
یہ واقعہ بھارتی بحریہ کی طرف سے جاری کی جانے والی کوسٹل سیکیورٹی اور دفاعی مشقوں کے دوران پیش آیا جب کہ حادثے کے وقت ماہی گیر کشتی پر 13 افراد سوار تھے۔
بھارتی بحریہ نے فوراً سرچ اور ریسکیو آپریشن شروع کیا اور کشتی پر سوار 11 افراد کو سمندر سے بچالیا۔ یہ افراد خوش قسمتی سے بچ گئے تاہم دو افراد کی حالت کے بارے میں ابھی تک کوئی واضح معلومات نہیں مل سکی ہیں۔
بھارتی بحریہ کی طرف سے حادثے کی تحقیقات کا عمل جاری ہے، اور ابتدائی طور پر یہ کہا گیا ہے کہ کشتی اور آبدوز کی ٹکر غیر متوقع طور پر ہوئی۔
خیال رہے کہ یہ واقعہ بھارتی بحریہ کی غفلت اور اس کی سیکیورٹی پروسیجرز پر سوالات اٹھاتا ہے، خاص طور پر ایسے حساس دورانیے میں جب دفاعی مشقیں جاری تھیں۔
اس حادثے نے بھارت کی سمندری حفاظت اور بحریہ کی کارکردگی پر سوالات کھڑے کردیے ہیں۔
