پاکستان اپنا دورسرا میچ کل ایڈیلیڈ اوول میں کھیلے گا
پاکستان اور آسٹریلیا کی کرکٹ ٹیموں کے درمیان 3 ون ڈے انٹرنیشنل میچوں پر مشتمل سیریز کا دوسرا میچ کل ایڈیلیڈ اوول میں کھیلا جائے گا۔
قومی اسکواڈ نے ایڈیلیڈ کرکٹ گراونڈ میں نیٹ باولرز کے ساتھ پریکٹس کی، جبکہ پاکستانی فاسٹ باؤلرز نے فزیکل اور فیلڈنگ ٹریننگ میں بھی حصہ لیا۔
واضح رہے کہ میزبان کینگروز کو پاکستان کے خلاف تین ون ڈے میچوں کی سیریز میں 0-1 کی برتری حاصل ہے۔آسٹریلیا نے مہمان پاکستان کی ٹیم کو پہلے ون ڈے میچ میں دلچسپ مقابلے کے بعد 2 وکٹوں سے شکست دی تھی۔
دونوں ٹیموں کے درمیان 3 ون ڈے کرکٹ میچوں کی سیریز کا دوسرا ون ڈے میچ 8 نومبر کو ایڈیلیڈ اوول، ایڈیلیڈ میں کھیلا جائے گاجبکہ تیسرا اور آخری ون ڈے میچ 10 نومبر کو پرتھ اسٹیڈیم میں کھیلا جائے گا۔
