ٹرمپ کی جیت پر پاکستان میں مٹھائیاں بانٹنے والوں کا منہ کڑوا رہے گا، گورنر سندھ
کراچی: گورنر سندھ کامران ٹیسوری نے کہا ہے کہ ٹرمپ کی جیت پر پاکستان میں مٹھائیاں بانٹنے والوں کا منہ کڑوا رہے گا۔
گورنر کامران ٹیسوری نے اپنے جاری کردہ بیان میں ہے کہ ڈونلڈ ٹرمپ امریکہ کے صدر بنے ہیں،انہیں اور امریکہ کو مبارک ہو، پاکستانیوں کو پاکستان، اپنے لوگ مبارک ہوں۔
انہوں ںے کہا کہ ٹرمپ کی جیت کا پاکستان میں جشن منانے والے خوش فہمی میں نہ رہیں، بیگانے کی شادی میں عبداللہ دیوانہ مثال سنی تھی، دیکھ بھی لی، خواہ مخواہ دیوانہ ہونے والوں کو دیکھ کر افسوس ہوا، ترس آیا۔
کامران ٹیسوری نے مزید کہا کہ ٹرمپ کی جیت پر ڈھول بجانے والے پاکستانیوں کو صرف تھکان ملے گی، پاکستان میں مٹھائیاں بانٹنے والوں کا منہ کڑوا رہے گا۔
