میں الیکشن کے نتائج کو تسلیم کرتی ہوں، کملا ہیرس
امریکی نائب صدر کملا ہیرس نے کہا کہ میں الیکشن کے نتائج کوتسلیم کرتی ہوں۔
ڈیموکریٹس صدارتی امیدوار کملا ہیرس نے شکست کےبعد پہلا خطاب کرتے ہوئے کہا کہ ہم ہمیشہ چمکتے رہیں گے، لوگوں کو ہمیشہ متحدکرنے کیلئےکام کروں گی۔
کملا ہیرس نے کہا کہ پرامن اقتدار منتقل کرنے پر یقین رکھتے ہیں، ہم کبھی ہار نہیں مانیں گے لڑتے رہیں گے، ہماری لڑائی امریکہ کے مستقبل کی لڑائی ہے، ہم ہمت نہیں ہاریں گے، ہماری جدوجہد جاری رہےگی۔
کملا ہیرس نے اپنے خطاب یہ بھی کہا کہ ہماری وفاداری صدر یا جماعت سے نہیں، آئین سے ہونی چاہیے، آئین اور قانون کی بالادستی کیلئے اپنی تحریک جاری رکھیں گے۔
کملا ہیرس نے الیکشن مہم میں ساتھ دینے والوں سے اظہار تشکر کرتے ہوئے کہا کہ مجھ پر آپ لوگوں کا اعتماد دیکھ کر آج میرا دل بھر آیا، میں ایسے مستقبل کے لیے لڑائی کبھی ترک نہیں کروں گی جہاں امریکی اپنے خوابوں اور خواہشات کو پورا کر سکیں، انہوں نے مزید کہا کہ امریکہ اپنی جمہوریت کی لڑائی سے کبھی دستبردار نہیں ہوگا۔
انہوں نے کہا کہ ٹرمپ کے خلاف اپنی مہم ختم کر رہی ہوں، یہ ہاتھ اٹھانے کا وقت نہیں ہے، یہ ہماری آستینیں لپیٹنے کا وقت ہے، کبھی کبھی جیت میں کچھ وقت لگتا ہے۔ اس کا مطلب یہ نہیں کہ ہم جیت نہیں پائیں گے۔ اہم بات یہ ہے کہ کبھی ہمت نہ ہاریں، دنیا کو ایک بہتر جگہ بنانے کی کوشش ہمیشہ جاری رہے گی۔
کملا ہیرس نے کہا کہ نوجوانوں یہ تسلیم کرتے ہوئے کہ نقصان سے تکلیف ہو سکتی ہے لیکن کام ختم نہیں ہوا ہے، صرف اندھیرا ہونے پر آپ ستاروں کو دیکھ سکتے ہیں، میں جانتی ہوں کہ بہت سے لوگوں کو لگتا ہے کہ ہم ایک تاریک وقت میں داخل ہو رہے ہیں، مجھے امید ہے کہ ایسا نہیں ہوگا۔
ان کا یہ بھی کہنا تھا کہ ہم آسمان کو ، اربوں ستاروں کی روشنی سے بھر دینگے امید، ایمان، سچائی اور خدمت کی روشنی سے، میں نے منتخب صدر ٹرمپ سے بات کی اور انہیں ان کی جیت پر مبارکباد دی، میں نے ان سے یہ بھی کہا کہ ہم ان کی اور ان کی ٹیم کو ان کی منتقلی میں مدد کریں گے اور ہم اقتدار کی پرامن منتقلی میں مشغول ہوں گے۔
