آسٹریلوی کرکٹ ٹیم کے ڈریسنگ روم میں کھلاڑیوں کے درمیان اختلافات کی خبریں سوشل میڈیا پر گردش کر رہی ہیں۔
آسٹریلوی بیٹنگ آرڈر کے اہم ستون اسٹیون اسمتھ نے انکشاف کیا ہے کہ میں ٹاپ آرڈر میں بیٹنگ کرنا چاہتا ہوں مگر عثمان خواجہ اور مارنس لبوشین مجھے ٹاپ آرڈر پر بیٹنگ کرتا نہیں دیکھ سکتے۔
اسٹیون اسمتھ کا کہنا تھا کہ اگر مجھ سے بطور اوپنر کھیلنے کا کہا جاتا تو میں انکار نہیں کرتا، لیکن میں نے یہ معاملہ سلیکٹر جارج بیلی پر چھوڑ دیا ہے۔
واضح رہے کہ سلیکٹر جارج بیلی نے کہا تھا کہ اسمتھ نچلے نمبرز پر بیٹنگ کرنا چاہتے ہیں، جس پر اسٹیون اسمتھ کا کہنا تھا کہ درحقیقت عثمان خواجہ اور مارنس لبوشین مجھے اپنے نیچے رکھنا چاہتے ہیں اور ان کی خواہش ہے کہ میں اوپننگ نہ کروں۔
