ہم کراچی میں پبلک ٹرانسپورٹ کو جدید بنانے کے لیے پُرعزم ہیں، شرجیل میمن
سندھ کے سینئر وزیر شرجیل انعام میمن نے کہا ہے کہ ہم کراچی میں پبلک ٹرانسپورٹ کو جدید بنانے کے لیے پُرعزم ہیں۔
کراچی کے سڑکوں پر اب ڈبل ڈیکر بسیں چلیں گی، حکومت سندھ نے خریداری کی تیاریاں شروع کر دیں۔
سندھ کے سینئر وزیر شرجیل انعام میمن کی زیر صدارت اہم اجلاس، پیپلز بس سروس کے لئے 50 نئی بسیں خریدنے کا فیصلہ کرلیا۔
سینئر وزیر شرجیل انعام میمن نے ماس ٹرانزٹ اتھارٹی اور دیگر متعلقہ حکام کو بسوں کی خریداری کے لئے تیاریاں تیز کرنے کی ہدایات جاری کردیں۔
انہوں نے کہا کہ ہم کراچی میں پبلک ٹرانسپورٹ کو جدید بنانے کے لیے پُرعزم ہیں، حکومت سندھ کا یہ اقدام شہریوں کو سستی اور آرام دہ سفر فراہم کرتے ہوئے شہری ٹرانسپورٹ کے نظام کو بہت بہتر بنائے گا۔
ان کا کہنا تھا کہ عوام کی بڑھتی ہوئی ٹرانسپورٹ کی ضروریات کو پورا کرنے کے لیے تیزی سے عمل درآمد کو یقینی بنایا جائے۔
سندھ کے سینئر وزیر شرجیل انعام میمن کی جانب سے پیپلز بس سروس کے بس اسٹیشنز کا کام بھی جلد از جلد مکمل کرنے کے احکامات جاری کردیے گئے۔
