شنگھائی تعاون تنظیم کا اجلاس؛ قازقستان اور بیلا روس کے وزرائے اعظم کا اظہار تشکر
اسلام آباد: شنگھائی تعاون تنظیم کے اجلاس میں شرکت کے بعد قازقستان اور بیلا روس کے وزرائے اعظم واپس وطن روانہ ہوگئے۔
شنگھائی تعاون تنظیم کے اجلاس میں شرکت کے بعد قازقستان اور بیلا روس کے وزرائے اعظم وطن واپس روانہ ہوگئے ہیں جب کہ وفاقی وزیر عبدالعلیم خان نے اولژاس بیک تینوف اور رومن گولووچینکو کواسلام آباد ایئرپورٹ پر خدا حافظ کہا۔
قازقستان اور بیلا روس کے وزرائے اعظم نے اظہار تشکر کرتے ہوئے کہا کہ پاکستان میں قیام انتہائی خوشگواررہا۔
قازقستان اور بیلا روس کے وزیر اعظم نے گفتگو کرتے ہوئے کہا کہ شنگھائی تعاون تنظیم کا اجلاس شاندار اور بہت اعلیٰ انداز میں ہوا۔
اس موقع پر وفاقی وزیر عبدالعلیم خان نے کہا کہ آئندہ بھی ایسے رابطوں اور دوروں کے متمنی ہیں جو خطے کے لئے سود مند ثابت ہوں گے۔
وفاقی وزیر عبدالعلیم خان نے وزیر اعظم قازقستان اولژاس بیک تینوف اور وزیر اعظم بیلا روس رومن گولووچینکو کو رخصت کردیا ہے۔
